Dj_Mars Islamic Web

தாழ்வு மனப்பான்மையை விரட்டுங்கள்

2012-02-12T17:25:00.000+05:30

ஒருவன் தனது நலனுக்காக வாழ்வில் மாற்றங்கள் செய்து கொள்கிறான். அவன் விரும்பும் நிம்மதியும், தேவையான பொருட்களும் அவனுக்கு தடையின்றி கிடைத்துக் கொண்டிருக்கும் பட்சத்தில் அவனது வாழ்வில் மாற்றங்கள் எதுவும் தேவைப்படுவதில்லை.

அந்த நேரத்தில் அவன் பரிபூரணத்துவம் பெற்றவனாகிறான். தன்னைச் சுற்றி நடக்கும் தீய செயல்களைக்கூட நன்மை தரும் செயலாக பார்க்கிறான். இதனால் அவனுக்கு துன்பம் நேருவதே இல்லை. இவ்வாறு பரிபூரணம் பெற்றவர்களாக வாழ முயற்சி செய்யுங்கள்.

வாழ்க்கையில் பல சூழ்நிலைகளில் இன்பம் அனுபவிக்கிறோம். இன்பம் தரும் பொருள், அனுபவிக்கும் கருவி மற்றும் அதற்கேற்ற மனநிலை ஆகிய மூன்றும் இருந்தால்தான் இன்பத்தை முழுமையாக அடையமுடியும். ஆனால், இம்மூன்றும் எப்போதும் ஒரே நிலையில் இருப்பதில்லை.

காலத்திற்கு தகுந்தாற்போல மாற்றமடைந்து கொண்டிருக்கும். மனநிலையும் எல்லா நேரத்திலும் நிலையாக இருப்பதில்லை. எனவே, இந்த மூன்றையும் நம் கட்டுப்பாட்டில் வைத்திருக்க வேண்டியது அவசியம். இதற்கு மனதை ஒருமுகப்படுத்த வேண்டும்.

பலர் தாழ்வு மனப்பான்மையை வளர்த்துக் கொள்கின்றனர். இந்த மனப்பான்மையைப் போக்குவதற்கு, ஒவ்வொருவரும் தம்மைத்தாமே முழுவதுமாக அறிந்து கொள்ள வேண்டும். தன்னை அறிந்து கொண்டவர்களுக்கு இதுபோன்ற சிந்தனைகள் வருவதில்லை. எனவே, முதலில் உங்களை அறிந்து கொள்ளுங்கள்.

பெண்கள் உண்மையிலேயே விரும்புவது என்ன?

2012-02-12T17:19:00.000+05:30

"பெண்கள் உண்மையிலேயே விரும்புவது என்ன?' காலம், காலமாய் கேட்கப்பட்டு வரும் விடை தெரியாத கேள்வி இது. இந்த கேள்விக்கு பதில் தெரியாமல், "பெண்கள் ஒரு புதிர், அகம்பாவம் பிடித்தவர்கள்…' என, ஆண்கள் எல்லாரும் பெண்களை ஒதுக்கித் தள்ளுகின்றனர்.
"அதெல்லாம் ஒன்றுமில்லை. பெண்கள் மிகவும் சாதாரண விஷயங்களைத்தான் விரும்பு கின்றனர். அதை ஆண்கள் நிறைவேற்றாமலோ அல்லது புறக்கணிப்பதாலோ தான் பெண்கள் மீது வெறுப்படைகின்றனர்!' என்கிறார் பிரபல மனோ தத்துவ ஆராய்ச்சியாளர் பேகோ அன்டர்கில் என்பவர். அமெரிக்காவைச் சேர்ந்த இவர், "வெறும் 25 விஷயங்களை சரி செய்து விட்டால் போதும், பெண்கள் உற்சாகமாக இருப்பர்!' என்கிறார்.

இதோ அந்த விஷயங்கள்:

1. கொழுப்பு குறைய வேண்டும்: உடலில் சதை போடுவது பெண்களுக்கு பிடிக்கவே பிடிக்காது. கொழுப்பு, சதையை குறைக்க ஒரு மருந்து கிடைத்தால் போதும்.

2. சமையலை கணவர் பாராட்ட வேண்டும்: உங்கள் அம்மா போல் யாராலும் சமைக்க முடியாதுதான். ஆனாலும், மனைவியின் சமையலை ஆகா, ஓகோ என பாராட்ட வேண்டும். அவர்களும் நன்றாக சமையலை கற்றுக் கொள்ள கொஞ்சம் நாட்கள் ஆகும் அல்லவா?

3. ஊமை அல்ல: வாய் பேச முடியாத வேலைக்காரி போல மனைவி இருக்க வேண்டும் என ஆசைப்படக் கூடாது. சினிமாவில் தான் அப்படிப்பட்ட கதாபாத்திரத்தை எதிர்பார்க்க முடியும். உண்மையான வாழ்க்கையில் மனைவியையும் சரி சமமாக நடத்த வேண்டும்.

4. ஆண் மகன்: சிறந்த ஆண் மகனாக, எல்லாராலும் பாராட்டப்படக் கூடியவராக இருக்க வேண்டும். திறமையை வெளிப்படுத்துபவராக இருக்க வேண்டும்.

5. பொறுப்பு: காலையில் வேலைக்குச் செல்லும் போது, கண்ணாடி எங்கே, சாவி எங்கே என்றெல்லாம் கேட்டு, தொந்தரவு செய்யக் கூடாது. பொறுப்பாக அவர்களும் நடந்து கொள்ள வேண்டும்.

6. கட்டுப்பாடு: உணவில் கட்டுப்பாடு வேண்டும். எப்போதும், ஏதாவது நொறுக்கு தீனிகளை உள்ளே தள்ளிக் கொண்டே இருக்கக் கூடாது.

7. விடுமுறை: விடுமுறை நாட்களில் விரும்பியபடி ஓய்வு எடுக்க அனுமதிக்க வேண்டும். அன்றும் விசேஷமாக சமையல் செய்ய வேண்டும் என வற்புறுத்தக் கூடாது.

8. தொந்தரவு: எல்லாவற்றையும் அவசர, அவசரமாக செய்ய வேண்டும் என தொந்தரவு செய்யக் கூடாது.

9. உதவி: சமையல் அறையில் மனைவிக்கு கணவரும் உதவ வேண்டும்.

10. பாராட்டு: "இந்த டிரஸ் உனக்கு நன்றாக இருக்கிறது…' என பாராட்ட வேண்டும்

11. இளமை: நாம் எப்போதும் இளமையாக இருக்க மாட்டோம். அதை நினைவில் கொள்ள வேண்டும்

12. டிரைவிங்: கணவன் கார் ஓட்டும் போது மனைவியோ, மனைவி கார் ஓட்டும் போது கணவனோ பின் சீட்டில் உட்காரக் கூடாது.

13. ஒத்துழைப்பு: குழந்தைக்கு உடல் நிலை சரியில்லை என்றால் மனைவியை திட்டக் கூடாது. குழந்தையை பராரமரிக்கும் பொறுப்பு இருவருக்கும் உண்டு.

14. நல்ல முடிவு: தினமும் ஒருமுறையாவது இரண்டு பேரும் சேர்ந்து விவாதித்து, நல்ல முடிவை எடுக்க வேண்டும்.

15. சமஉரிமை: வருமானம் முழுவதும் கணவனிடமே இருந்தால், மனைவியை மற்றவர்கள் மதிக்க மாட்டார்கள் என்பதை ஆண்கள் புரிந்து கொள்ள வேண்டும்.

16. அவசரம் கூடாது: போர் அடிக்கும் வகையில் கணவர் நடந்து கொள்ளக் கூடாது.

17. ஆச்சர்யம்: வைர மோதிரம் வேண்டும் என பெண்கள் விரும்புவது கிடையாது. ஆனால், பெண்களை மகிழ்விக்கும் வகையில் திடீரென சிறு சிறு பரிசுகளை கொடுத்தாலே போதும்.

18. புது டிரஸ்: ஒரே மாதிரி டிரஸ்களையே தொடர்ந்து போட்டுக் கொண்டிருக்க முடியாது. பெண்களுக்கு புதுப்புது டிரஸ்களை எடுத்து கொடுக்க வேண்டும்.

19. குழந்தைகள்: நன்றாக, சிரித்த முகத்துடன் குழந்தைகள் படுக்கைக்குச் செல்ல வேண்டும். குழந்தைகளை அடிமை போல் நடத்தக் கூடாது. இதில் கணவர்களின் பங்கு முக்கியம்.

20. பொருத்தம்: நாம் அணியும் டிரஸ் எப்போதும் பொருத்தமாக இருக்க வேண்டும்.

21. பெண்கள் எப்போதும் அதிகம் பேசுவர்: "ஐயோ… டெலிபோன் பில் அதிகமாகி விட்டதே!' என கூச்சல் போடக் கூடாது.

22. சுற்றுலா: அவ்வப்போது குடும்பத்துடன் சுற்றுலா செல்ல வேண்டும். திருப்தியான, கை நிறைய சம்பாதிக்கும் வேலை வேண்டும்.

23. சுத்தம்: படுக்கை எப்போதும் சுத்தமாக இருக்க வேண்டும். அடிக்கடி அதை மாற்றிக் கொண்டே இருக்க வேண்டும். அதே போல் ஷாகேசில் உள்ள பொம்மைகள், பொருட்களையும் சுத்தம் செய்ய வேண்டும்.

24. சிக்கல்: பெண்களுக்கு தலை வலி தருவதே, டிரசுக்கு ஏற்ற செருப்பு முதல் ஜாக்கெட் வரை எதுவும் கிடைக்காதது தான். அதை சரி செய்ய உதவ வேண்டும்.

25.பொழுது போக்கு: சனிக்கிழமை இரவு உறவினர்களுடன் விருந்துக்கு செல்வது, சினிமா செல்வது என பொழுதை போக்க வேண்டும். "வேலை இருக்கிறது, "டிவி'யை பார்த்துக் கொண்டு தூங்கு!' என கணவர்கள் சொல்லக் கூடாது.

பெண்கள் விரும்புவது இவ்வளவு தான். இவற்றை கணவரோ, பெற்றோரோ, குழந்தைகளோ நிறை வேற்றினால் போதும். அந்த குடும்பம் மகிழ்ச்சியான குடும்பம் தான்.

ஷஹீதா றீம் றய்யாஷீ (றஹ்)

2012-02-11T18:18:00.000+05:30

ஏ.எஸ்.எம். நௌஷாட்

றீம் றய்யாஷீயின் பிறப்பு:

1982 ஆம் ஆண்டு காஸாவிலுள்ள ஒரு மார்க்கப்பற்றுள்ள,செல்வந்தக் குடும்பத்தில் றீம் ரய்யாஷீ பிறக்கின்றாள். அவளுக்கு ஆறு சகோதரர்கள், மூன்று சகோதரிகள். சிறுவயது முதல் கல்வியில் திறமையாக இருந்த றீம் தனது உயர்தரப் பரீட்சையில்96 சராசரிப் புள்ளிகளை எடுத்து முன்னிலையில் நின்றாள். ஷரீஅத் அங்கீகரிக்கும் ஆடைகளை அணிகின்ற ஒரு மார்க்கப்பற்றுள்ள பெண்ணாக அவள் இருந்தாள்.

குடும்பப் பெண்:

ஒரு பெண் தனது வாழ்க்கையில் பல பாத்திரங்களை வகிக்கின்றாள். ஒரு மகளாக, சகோதரியாக,மனைவியாக, தாயாக என்று அவளது பாத்திரங்கள் பெருகிச் செல்கின்றன. இந்த எல்லாப் பாத்திரங்களையும் றீம் றய்யாஷீ மிகச்சரியாக நிறைவேற்றினாள். சிறு வயது முதல் மார்க்கப்பற்றுதான் அவளது அணிகலனாக இருந்தது. இஸ்லாமும் -அதனை நடைமுறைப்படுத்துவதற்காக தான் கொண்டுள்ள கொள்கையும்தான் -அவளது வாழ்க்கையைத் தீர்மானிக்கும் சக்திகளாக விளங்கின. வீட்டில் தன் பெற்றோருக்கு ஒரு முன்மாதிரியான -இஸ்லாம் எதிர்பார்க்கின்ற மகளாக விளங்கினாள். அதிகமாக நோன்பு நோற்கக் கூடியவளாகவும்,குர்ஆன் ஒதக் கூடியவளாகவும், இரவு நேரங்களில் நின்று வணங்கக் கூடியவளாகவும் அவள் இருந்தாள். ஹலால்- ஹராம்களைப் பேணுவதில் அவள் மிகக்கரிசனையாக இருந்தாள். இவை அவளது தாய் அவளைப் பற்றிக் கூறும் சாட்சிகள்.

ஸியாத் அவ்வாத் என்பவர்தான் அவளது கணவன். அந்த வகையில், தனது குடும்ப வாழ்க்கையில்,மனைவி என்ற பாத்திரத்தையும் அவள் மிகச்சரியாக நிறைவேற்றினாள். தனது கணவனுக்குப் பொருத்தமாக நடந்துகொண்டாள். ஒரு அன்பான துணைவியாக இருந்தாள்.

இவர்களுக்கு ‘ளுஹா’, ‘முஹம்மத்’ என்று இரண்டு பிள்ளைகள்.

நிபந்தனை:

ஷஹீதா றீம் றய்யாஷீ திருமண முடிப்பதற்கு முன்னர் நடந்த ஒரு சம்பவம் இது.

உயர்தரத்தில் படித்துக் கொண்டிருக்கும் போது, அவளது மார்க்கப் பற்றைக் கண்ட பலர் அவளை திருமண முடிக்க முன்வந்தார்கள். ஆனால் அனைவரும் அவளைத் திருமணம் முடிக்காது பின்வாங்கினார்கள்.

காரணம் தன்னை மணமுடிக்க வருபவர்களிடம், "நான் ஒரு நாள் ஷஹீதாகுவேன். அதற்கு நீங்கள் எனக்குத் தடையாக இருக்கக் கூடாது" என்ற நிபந்தனையை அவள் இட்டதுதான்.

சுப்ஹானல்லாஹ்! அல்லாஹ்வின் பாதையில் தனது உயிரைத் தியாகம் செய்வதற்கு அவளுக்கிருந்த ஆசையின் வெளிப்பாடுதான் இந்த வார்த்தைகள். இவை சாதாரண வார்த்தைகளல்ல. பாரிய, திட்டமிடப்பட்ட பயிற்றுவித்தலின் விளைவுகள்தான் இவை. திருமணம் என்று வந்தால், அழியக் கூடிய உலக விடயங்களுக்காக பேரம் பேசுகின்ற எமக்கு, இதில் நிறைய படிப்பினைகள் உள்ளன அதேபோன்று இதுபோன்ற இஸ்லாத்தை முழுமையாக நடைமுறைப்படுத்த வேண்டிய தேவையும் உள்ளது.

இஹ்வான்களுடனான தொடர்பு:

பலஸ்தீனில் அல் இஹ்வானுல் முஸ்லீமூன் அமைப்பு குறிப்பாக அதன் ஜிஹாதியப் பிரிவு‘ஹமாஸ்’ என்ற பெயரில் செயற்படுகின்றது. றீம் தனது ஆரம்பநிலைக் கல்வியைக் கற்கும்போதே,இஸ்லாத்தை அதன் பூரணவடிவில் நடைமுறைப்படுத்துபவர்களைக் கண்டறியும் ஆவல் அவளிடம் காணப்பட்டது.

அந்த வகையில் தனது பள்ளி வாழ்க்கையிலேயே ஹமாஸ் அமைப்புடனான தொடர்பு அவளுக்கு ஏற்படுகின்றது. அல்லது அல்லாஹ் இந்த உயர்ந்த பணிக்குப் பொருத்தமானவளாக அவளைத் தெரிவுசெய்கின்றான்.

இப்படியாக றீமின் வாழ்க்கை தொடர்கின்றது. திருமணத்தின் காரணமாக அவளது பாடசாலை வாழ்க்கை முடிவடைந்தாலும், அறிவு வாழ்க்கையை அவள் முடித்துக்கொள்ளவில்லை. ஹமாஸ் போன்ற ஒரு இஹ்வானிய அமைப்பில் அங்கத்துவம் பெற்றிக்கும் ஒரு பெண்ணால் அவ்வாறு அறிவை விட்டும் தூரமாக முடியாது.

ஆனால், ஹமாஸ் என்பது வெறுமனே ஒரு ஆயுதப் போராட்ட அமைப்பு என்றுதான் எம்மில் பலர் நினைத்துக் கொண்டுள்ளார்கள். ஆனால், அவ்வாறல்ல. அது தனது அங்கத்தவர்களை முழுமையாக இஸ்லாம் கூறுகின்ற ஒழுங்கில் உருவாக்கும் ஒரு அமைப்பு. றஸூல் (ஸல்) அவர்களது வாழ்க்கையில் இருந்தது போன்று, ஆயுதப் போராட்டம் என்பது அதன் ஒரு பகுதி மாத்திரமே.

ஷஹீதா றீம் பாடசாலை வாழ்க்கையை முடித்துக் கொண்டாலும், இஹ்வானியப் பாசறையில் தர்பிய்யத் பெறுகின்றாள். எமது சமூகத்தில் தவறாகப் புரியப்பட்டுள்ளது போன்று அறிவு என்பது வெறும் தகவல்களுடன் மாத்திரம் சுருங்கிய ஒன்றல்ல. மாற்றமாக அது நடத்தைக்கு வர வேண்டும்.

இந்த வகையில், அறிவிலும், மனப்பாங்கிலும், நடத்தையிலும் மாற்றத்தை ஏற்படுத்தும் வகையில்தான் இஹ்வான்களது பாடத்திட்டம் அமைந்துள்ளது. அதனை றீம் நன்கு பயன்படுத்திக் கொள்கின்றாள். அவளுக்கு அண்மையில் இருந்த முஸ்தபா பள்ளிவாசலில் நடைபெறுகின்ற மார்க்க வகுப்புக்களில் அவள் தவறாமல் கலந்துகொண்டாள்.

இறுதியில் அந்தப் பள்ளிவாசலிலே இஹ்வான்கள் சார்பாக மார்க்க வகுப்புக்களை நடாத்தும் அளவிற்கு தன்னை வளர்த்துக்கொள்கின்றாள். அதேபோன்று ஹமாஸின் முக்கியமான அங்கத்தவர்களில் ஒருவராகவும் மாறுகின்றாள்.

போராட்ட உணர்வு:

முஸ்லிம்களுக்கு இழைக்கப்படும் அநியாயங்களைக் காணும்போது ஷஹீதா றீம் றய்யாஷீ அவற்றைத் தாங்க முடியாது கதறுவாள். "ஏன் அடுத்த முஸ்லிம்கள் இவற்றைப் பார்த்துக் கொண்டு இருக்கிறார்கள்?, அறபு நாடுகள் எங்கே போய்விட்டன?" என்று கூறிக் கூறி அழுவதாக அவளது கணவன் அவ்வாத் கூறுகின்றார்.

உண்மைதான்,முஸ்லிம் சமூகம் எங்கே இருக்கிறது?தனது சமூகம் கொல்லப்படுவதை விட, தனது மார்க்க சகோதரிகள் மானபங்கப் படுத்தப்படுவதை விட, தனது மார்க்கத்தின் புனிதஸ்தலங்கள் ஆக்கிரமிக்கப்படுவதை விட, முஸ்லிம்கள் இழிவுபடுத்தப்படுவதை விட அவர்களுக்கு வேறு வேறு விடயங்கள்தான் முக்கியமானவையாக மாறியுள்ளன. அல்லது தங்களுக்கு பல தியாகங்கள் செய்யவேண்டி ஏற்படும் என்ற பயத்தில் சில விடயங்களுடன் மாத்திரம் இஸ்லாத்தைச் சுருக்கிக்கொண்டுள்ளார்கள். ஆனால், இப்படியான பல்லாயிரக் கணக்கான றீம் றய்யாஷீகளது கேள்விகளுக்கு நாம் மறுமையில் பதில் சொல்லித்தான் ஆக வேண்டும்.

இந்த விடயங்கள் அவளிடம் வெறுமனே உணர்வுகளாக இருக்கவில்லை. அவற்றை நடத்தைக்குக் கொண்டுவர விரும்பினாள். முஸ்லிம்களுக்கான விடிவில் தன்னால் என்ன பங்களிப்பைச் செய்யமுடியும் என்று சிந்தித்தாள். ஹமாஸிடம் ஆயுதப் பயிற்சி எடுக்கின்றாள். அநியாயக்கார யூதர்களை அழிப்பதற்கு திடசங்கற்பம் பூணுகின்றாள்.

ஹமாஸ் போராளிகலுடன் சேர்ந்து போராடுவதற்கு அனுமதி கேட்கின்றாள். ஆனால், அவர்கள் மறுக்கின்றார்கள். தொடர்ந்தும் பயிற்சி எடுக்கின்றாள். தனது வீட்டுக்குப்பக்கத்தில் இருக்கின்ற ஹமாஸ் போராளிகளுக்கான உணவையும் அவள்தான் சமைத்துக் கொடுக்கின்றாள். அவள் ஷஹீதாவதற்கு முன்னைய நாள் மாலையில் கூட அவர்களுக்குத் தேனீர் உபகாரம் செய்துள்ளாள்.

இவ்வாறாக, தன்னால் முடியுமான எல்லா வழிகளிலும் போராளிகளுக்கு உதவிசெய்து,ஜாஹிலிய்ய மரணத்திலிருந்து தப்பிக்க முயற்சிக்கின்றாள். ஏனெனில், "போராடாமலும், போராட்ட உணர்வில்லாமலும் மரணிப்பவர் ஜாஹிலிய்யத்தில் மரணிக்கின்றார்" என்று றஸூல் (ஸல்) கூறியுள்ளார்கள்.

ஷஹாதத் தாக்குதல்:

றீம் றய்யாஷீ திருமண முடிப்பதற்கு முன்னர் ஒரு தடவை ‘ஈர்ஸ்’ என்ற பகுதியில் தன்னுயிரை ஈந்த ஷஹாதத் கொடைத் தாக்குதல் நடத்த முயற்சித்தாள். இறுதி நேரம் வரை முயற்சி செய்தாலும், அவளால் குறிப்பிட்ட இலக்கை அடைந்துகொள்ள முடியாமல்போனது. இதனால் அத்தாக்குதல் நடைபெறவில்லை. கவலையடைந்த றீம் தனக்கு இன்னுமொரு சந்தர்ப்பம் தருமாறு ஹமாஸிடம் தொடர்ந்து கேட்டுக்கொண்டிருந்தாள். ஆனாலும் அவர்கள் அதனை மறுத்து வந்தார்கள். அப்போது அவளுக்கு வயது இருபத்து இரண்டு. இரண்டு பிள்ளைகள். மூத்த மகள் ளுஹாவிற்கு இரண்டரை வயது. பால்குடி மறக்காத மகன் முஹம்மதிற்கு ஒரு வருடமும் மூன்று மாதங்களும்.

அன்றுதான் றீமிற்கு வாழ்க்கையிலேயே மிக மகிழ்ச்சியான ஒரு நாள். காரணம், ஹமாஸின் மிக முக்கியமான தாக்குதல் ஒன்று அந்நாளில் நடைபெற இருந்தது. அதனை நடாத்துவதற்கு அவர்கள் சகோதரி றீமைத்தான் தெரிவுசெய்திருந்தார்கள். அவள் தனது பெற்றோரை, கணவனை,பிள்ளைகளை கடுமையாக நேசித்தாள். ஆனால், அவர்களை விட இஸ்லாத்தையும்,முஸ்லிம்களையும் நேசித்தாள்.

இதனால்தான், பலவீனமான ஈமான் கொண்டவர்களை பயமுறுத்தக் கூடிய மரணச்செய்தி அவளை மகிழ்வித்தது. அதன் மூலம்தான் அல்லாஹ்வை நெருங்கப் போவதையும், சுவர்க்கத்தில் தனது பெற்றோர், கணவன், பிள்ளைகளுடன் நிரந்தரமாக இருக்கப்போவதையும் நினைத்து அகமகிழ்ந்தாள். அங்கு நிச்சயமாக, தனது பிள்ளைகளுடன் கொஞ்சி மகிழும் வாய்ப்பை அல்லாஹ் தருவான் என்பதை உறுதியாக நம்பினாள்.

அன்று 2004 ஆம் ஆண்டு ஜனவரி 14 ஆம் திகதி. வழமைபோன்று அன்றும் இரவு முழுவதும் றீம் றய்யாஷீ நின்று வணங்குகின்றாள். நோன்பும் நோற்கின்றாள். 10 கிலோ பாரமான வெடி மருந்தை தனது இடுப்பிலும், கால்களிலும் கட்டி கொண்டு, தனது கணவனுக்கு முஸாபஹா செய்துவிட்டு,தனது குழந்தைகளை இறுதியாக (உலகில்) முத்தமிட்ட பின் வெளியேறிச் செல்கின்றாள்.

காஸாவின் வடக்காக உள்ள ஈர்ஸ் என்ற இடத்திலுள்ள இஸ்ரேலிய இராணுவத்தின் சோதனைக் கூடம்தான் தாக்குதல் இலக்காக வழங்கப்பட்டிருந்தது. றீம் றய்யாஷீ தைரியமாக நடந்து செல்கின்றாள். வெடிகுண்டுகளின் பாரம் காரணமாக அவளது நடையில் மாற்றம் இருந்தது. விசாரிக்கப்பட்டபோது, கால் சுகயீனம் என்று கூறிவிட்டு செல்கின்றாள்.

சோதனைச் சாவடியில் இருந்தவர்களுக்கு சந்தேகம் வந்தபோது, முக்கியமான இராணுவத் தலைவர்களும், வெடி மருந்து ஆய்வாளர்களும் அங்கு விரைந்து வருகிறார்கள். வந்ததுதான் தாமதம் றீம் றய்யாஷீ ‘ஷஹீதா’ என்ற பட்டத்தைப் பெற்றுக்கொள்கின்றாள். இஸ்ரேலிய ராணுவத்தின் முக்கியமான நான்கு தலைவர்கள் அவ்விடத்திலேயே மரணிக்கிறார்கள். பதினொரு பேர் படுகாயத்திற்கு உள்ளாகின்றார்கள்.

இஸ்லாத்தின் எதிரிகளை கதிகலங்க வைத்துவிட்டு, ஷஹீதா றீமின் ஆன்மா தனது ரட்சகனின் பொருத்தத்தை நாடி மலக்குமாரால் சுமந்து செல்லப்படுகின்றது. அவளது வாழ்க்கை அர்த்த முள்ளதாக மாறுகின்றது. (இன்னாலில்லாஹி)

இது ஒரு கற்பனைக் கதையல்ல. லா இலாஹ இல்லல்லாஹ் என்ற கலிமாவை மொழிந்த குற்றத்திற்காக அன்றாடம் அல்லல்படுகின்ற எமது சொந்தங்களின் விடிவிற்காக தனது உயிரைத் தியாகம் செய்த ஒரு சகோதரியின் உண்மை சம்பவம்.

மறுமையில் "நீ எனது அடியார்களின் கஷ்டத்தை நீக்குவதற்கு என்ன செய்யதாய்?" என்ற அல்லாஹ்வின் கேள்விக்கு அவள் பதிலைத் தயாராக வைத்துள்ளாள். ஆனால், நாம்? நமது நிலைப்பாடுகள் எவ்வாறுள்ளன? நாம் எந்தளவிற்கு இஸ்லாத்தையும் முஸ்லிம்களையும் நேசிக்கின்றோம்?

றஸூல் (ஸல்) அவர்களது ஹதீஸைப் பாருங்கள்: "முஃமின்கள், தமக்கு மத்தியிலான அன்பிலும்,பாசத்திலும், இரக்கத்திலும் ஒரே உடம்பைப் போன்றவர்கள். அதில் ஒரு உறுப்பிற்கு ஏதும் கஷ்டங்கள் ஏற்பட்டால், ஏனைய உறுப்புக்கள் விழித்திருந்தும், நோய் வாய்ப்பட்டும் துக்கம் அனுஷ்டிக்கின்றன" (புகாரி, முஸ்லிம்).

இந்த சமூகத்தைக் காப்பதற்கு ஆயிரம் ஆயிரம் றீம் றய்யாஷீக்கள் தேவையாக உள்ளார்கள். இது குறித்து சற்று சிந்திப்போமா?

Thanks to : meelparvai.net

ஹிந்தி சினிமாவை பார்த்து ஆசிரியை கொலையை செய்தேன் – மாணவன் வாக்குமூலம்

2012-02-11T18:15:00.000+05:30

சென்னை:ஹிந்தி திரைப்படமான ‘அக்னிபாத்’தில் இடம்பெற்றுள்ள வன்முறை காட்சிகள் மூலம் உந்தப்பட்டு ஆசிரியையை கொலைச் செய்தேன் என கைது செய்யப்பட்ட பள்ளி மாணவன் வாக்குமூலம் அளித்துள்ளான்.

சென்னை பாரி முனையில் புனித மேரி மேல் நிலைப்பள்ளியில் 9-வது வகுப்பு பயிலும் மாணவன் கடந்த வியாழக்கிழமை தனது ஆசிரியை உமா மகேஷ்வரியை கத்தியால் குத்தி கொலைச் செய்தான். இச்சம்பவம் மிகுந்த அதிர்ச்சியை ஏற்படுத்தியது. கைது செய்யப்பட்ட மாணவனிடம் போலீசார் ரகசிய இடத்தில் வைத்து பல மணிநேரம் விசாரணை நடத்தினர். அப்பொழுது மாணவன் கூறியது:

நான் எனது பெற்றோருக்கு ஒரே மகன் என்பதால் அவர்களுக்கு செல்லப் பிள்ளையாக இருந்தேன். தினமும் 100 ரூபாய் முதல் 200 ரூபாய் வரை பாக்கெட் மணி கிடைக்கும். ஹிந்தி எனக்கு சரியாக புரியாது. ஆதலால் ஹிந்தி பாடத்தில் எனக்கு மதிப்பெண்கள் குறைவாக கிடைக்கும். இதனை எனது ஸ்கூல் டைரியில் எழுதி பெற்றோர்களிடமிருந்து கையெழுத்து வாங்கி வர ஆசிரியை உமா மகேஷ்வரி கூறினார். தொடர்ச்சியாக 13 தடவை இவ்வாறு டைரியில் எழுதினார். கடந்த மாதமும் டைரியில் என்னைப் பற்றி மோசமாக அறிக்கை எழுதியதால் பெற்றோர்கள் என்னை கண்டித்தனர். இதனால் ஆசிரியை மீது எனக்கு கோபம் ஏற்பட்டது.

மூன்று தினங்களுக்கு முன்பு தியேட்டருக்கு சென்று ‘அக்னிபாத்’ என்ற ஹிந்து சினிமாவை பார்த்தேன். அதில் வரும் கொலைக் காட்சிகளைப் போல உமா மகேஷ்வரியையும் கொலைச் செய்ய திட்டமிட்டேன். வீட்டிற்கு அருகில் உள்ள கடையில் இருந்து ரூ.20 கொடுத்து கத்தி ஒன்றை வாங்கினேன். அதனை காகிதத்தில் பொதிந்து பள்ளிக்கூடத்திற்கு சென்றேன். சினிமாவில் கண்டது போல ஆசிரியையின் கழுத்திலும், நெஞ்சிலுமாக ஐந்து இடங்களில் கத்தியால் குத்தினேன். இவ்வாறு மாணவன் வாக்குமூலம் அளித்துள்ளான்.

கொலைச் செய்த மாணவனுக்கு நண்பர்கள் யாரும் இல்லை என்றும், யாரிடமும் பேசாத குணமுடையவன் என்றும் போலீசார் கூறுகின்றனர். உடல் வளர்ச்சி அதிகமாக இருப்பதால் அவனது வயதை உறுதிச்செய்ய மருத்துவ பரிசோதனை நடத்தப்பட்டது. பின்னர் ஜுவைனைல் நீதிமன்றத்தில் ஆஜர்படுத்திவிட்டு ரிமாண்ட் செய்து சிறுவர்கள் சிறையில் மாணவன் அடைக்கப்பட்டான். கொலைச் செய்யப்பட்ட ஆசிரியை உமா மகேஷ்வரியின் உடல் வெள்ளிக்கிழமை சென்னையில் அடக்கம் செய்யப்பட்டது.

யெமன் எதிர்ப்பு போராட்ட புகைப்படத்திற்கு உலக ஃப்ரஸ் ஃபோட்டோ விருது

2012-02-11T18:13:00.000+05:30

ஆம்ஸ்டர்டாம்:நியூயார்க் டைம்ஸ் பத்திரிகைக்காக அரபுலக வசந்தத்தை தனது காமெராவில் பதிவுச்செய்த ஸ்பெயின் நாட்டு ஃபோட்டோக்ராஃபர் சாமுவேல் அராண்டாவுக்கு 2011-ஆம் ஆண்டு உலக ப்ரஸ் ஃபோட்டோ விருது கிடைத்துள்ளது.

யெமன் நாட்டில் நடைபெறும் ஜனநாயக போராட்டத்தின் போது காயமடைந்த உறவினரை நெஞ்சோடு சேர்த்து ஆறுதல் கூறும் பெண்மணியின் புகைப்படத்திற்காக சாமுவேலுக்கு விருது கிடைத்தது. அக்டோபர் 15-ஆம் தேதி எடுக்கப்பட்ட இப்புகைப்படம் அரபுலக புரட்சியின் நிதர்சனத்தை பிரதிபலிப்பதாக விருது தேர்வாளர்கள் தெரிவித்தனர்.

யெமனில் மட்டுமல்ல எகிப்து, துனீசியா, லிபியா, சிரியா ஆகிய இடங்களில் நடந்த ஜனநாயக போராட்டங்களை இப்புகைப்படம் எடுத்து இயம்புவதாகவும்,

இவ்விடங்களில் நடைபெறும் போராட்டங்களில் பெண்களின் பங்களிப்பு எவ்வளவு தூரம் உள்ளது என்பதின் நேரடி சாட்சியாக இப்புகைப்படம் அமைந்துள்ளதாகவும் விருது தேர்வு கமிட்டி தலைவர் ஐதன் ஸல்லிவன் கூறினார்.

ஜப்பானில் சுனாமி பேரிடர் தொடர்பான ஃபோட்டோ பிரிவில் அசோசியேட் ப்ரஸ்ஸிற்கு மூன்று பரிசுகள் கிடைத்துள்ளன. செய்திகளில் தனிநபர் பிரிவில் மிகச்சிறந்த புகைப்படத்திற்கான விருதை ஏஜண்ட்ஸ் பிரான்சு பிரஸ்ஸின் ஜப்பானீஸ் ஃபோட்டோக்ராஃபர் யாஸுயோஷி ஷிபா பெற்றுள்ளார்.

24 நாடுகளைச் சார்ந்த 57 ஃபோட்டோக்ராஃபர்கள் பல்வேறு பிரிவுகளில் விருதுக்கு தகுதிப் பெற்றுள்ளனர். உலகின் பல்வேறு பகுதிகளைச் சார்ந்த ஐய்யாயிரத்திற்கும் மேற்பட்ட ஃப்ரொஃபஸனல் ஃபோட்டோக்ராஃபர்கள் சமர்ப்பித்த எண்ட்ரிகளில் இருந்து மிகச்சிறந்த புகைப்படங்கள் தேர்வுச் செய்யப்பட்டன.

சேர்பியா-இஸ்ரேல்: இரு இனவாதங்களும் இரட்டை நிலைப்பாடும்

2012-02-11T18:11:00.000+05:30

கடந்த செப்டம்பரில் ஐ.நா. பொதுச் சபையில் முன்வைக்கப்பட்ட பலஸ்தீன் தனிநாட்டுக் கோரிக்கை அமைதியாக அமுங்கிவிட்டது. யூதர்கள் இஸ்ரேலில் வாழும் அறபு பலஸ்தீனர்களுக்கு எதிரான புத்தம் புதுச் சட்டங்களை நிறைவேற்றி வருவதோடு, மேற்குக்கரையில் புதிய குடியேற்றங்களையும் அமைத்து வருகின்றனர்.

இத்தனைக்கும் மத்தியில் இஸ்ரேலுடன் பேச்சுவார்த்தை நடத்துவதன் மூலமே இஸ்ரேல் பலஸ்தீன் பிரச்சினைக்குத் தீர்வு காண வேண்டும் என ஒபாமா கூறி வருகின்றார். "சமாதானம் என்பது மக்கள் மத்தியிலான விட்டுக் கொடுப்பில் தங்கியுள்ளது. சூடானிலிருந்து நாம் பெறும் பாடம் இதுவே. பேச்சுவார்த்தை மூலமான தீர்வொன்றே சுதந்திர நாட்டிற்கு வழிகோலும்" என்பது சமீபத்திய ஒபாமாவின் அறிக்கை.

ஒபாமாவின் இக்கருத்து உணர்த்துவதென்ன? அப்பழுக்கற்ற சியோனிஸ விசுவாசத்தின் உச்சியில் இருந்தவாறு ஒபாமா விடுக்கும் இந்த அறிக்கை, இஸ்ரேலை நோக்கியே விடுக்கப்பட வேண்டும். சூடான் விட்டுக் கொடுத்தது. தென் சூடான் நாடு உருவானது. இஸ்ரேல் விட்டுக் கொடுத்தால் பலஸ்தீன் தேசம் உருவாகும்.

யதார்த்தத்தில் இவை இரண்டையும் ஒப்புநோக்கவே முடியாது. ஏனெனில், சூடான் இஸ்ரேல் போன்று அறேபியர்களின் நிலங்களை ஆக்கிரமித்து உருவாக்கப்பட்ட நாடல்ல. இஸ்ரேல் இங்கு செய்ய வேண்டியதும் விட்டுக்கொடுப்பல்ல. மாறாக, பலஸ்தீன மக்களின் நிலங்களின் ஒரு பகுதியை மீள அளிப்பது மாத்திரமே.

ஏனெனில், இஸ்ரேலின் உருவாக்கமே சர்வதேச சட்டங்களை மீறி நிகழ்ந்த நீதிக்கும் மனச்சாட்சிக்கும் விரோதமான வரலாற்றுத் துரோகம். இந்தத் துரோகத்தை பல தசாப்தமாக அங்கீகரித்து வரும் அமெரிக்காவின் அறிக்கையை இதற்கு மேலும் நம்ப வேண்டியதில்லை.

கொசோவோ சேர்பியாவிலிருந்து பிரிந்து தனிநாடாக மாறியதை வொஷிங்டன் விழுந்தடித்துக் கொண்டு வரவேற்றது. அவ்வாறாயின் பலஸ்தீன் சுதந்திர தேசத்தை அது ஏன் அங்கீகரிக்க மறுக்கின்றது. இஸ்ரேலின் சம்மதத்துடன்தான் பலஸ்தீன நாடு உருவாக்கப்படும் என்பது முடியாத காரியமொன்றை நிகழ்த்த வேண்டும் என்று கூறுவதற்கு ஒப்பானது. சேர்பியாவின் சம்மதத்துடன்தான் கொசோவோ உருவாகவில்லை. 2008 இல் கொசோவோ தன்னை சுதந்திர நாடாகப் பிரகடனம் செய்தபோது அமெரிக்கா அதை அங்கீகரித்தது.

1389 இல் சேர்பியாவை உஸ்மானியர்கள் தோற்கடித்தனர். பல நூற்றாண்டுகளாக போல்கன் பிராந்தியம் உஸ்மானியரின் இஸ்லாமிய ஆட்சியின் கீழிருந்தது. 1800 களில் இப்பிராந்தியத்தில் அல்பேனியர்களின் எண்ணிக்கை உயர்ந்தது. 20 ஆம் நூற்றாண்டின் தொடக்கத்தில் உருவாக்கப்பட்ட போல்கன் நாடுகளை ஒன்றிணைத்த யூகோஸ்லாவியாவின் கீழ் கொசோவோ,அல்பேனியா, மொன்டநீக்ரோ ஆகிய நாடுகள் இணைக்கப்பட்டு கம்யூனிஸ அரசு உதயமானது.

1989 இல் ஸ்லோபொடன் மிலோசொவிக் கொசோவோவை சேர்பியாவுடன் இணைத்து முஸ்லிம்களுக்கு எதிரான இனப்படு கொலைகளைக் கட்டவிழ்த்தான். இந்த ஆக்கிரமிப்பிலிருந்து கொசோவோ தன்னை விடுவித்துக் கொள்வதற்கு சேர்பியாவுடன் பேச்சுவார்த்தை நடத்தவில்லை. ஓர் அரசாங்கத்தைக் கொண்டு செல்வதற்கான நிறுவனங்களைப் பலப்படுத்தியதோடு தன்னை சுதந்திர நாடாகவும் பிரகடனப் படுத்தியது.

1948 இல் இஸ்ரேல் பிரகடனம் செய்யப்பட்டதைத் தொடர்ந்து நான்கு அறபு-இஸ்ரேல் யுத்தங்கள் நடந்தன. அதன் பின்னர் 1978 இலிருந்து இஸ்ரேல்-பலஸ்தீன் பேச்சுவார்த்தைகள் நடைபெற்றுள்ளன. அவற்றில் எதிலுமே பலஸ்தீனர்களுக்குச் சாதகமான முடிவுகள் எட்டப்படவில்லை. இஸ்ரேலின் ஆக்கிரமிப்பை புதிய புதிய குடியேற்றத் திட்டங்களை அங்கீகரிப்பதாகவும் இஸ்ரேலுக்கு எதிரான ஆயுதப் போராட்டத்தைத் தவிர்ப்பதாகவுமே அவற்றின் நோக்கங்கள் இருந்தன. பலஸ்தீன் தலைவர்கள் மட்டுமன்றி, அறபுத் தலைவர்களும் இப்பேச்சுவார்த்தைகளில் ஏமாற்றப்பட்டனர்.

கடந்த ஆறு தசாப்த கால சமாதானப் பேச்சுவார்த்தைகளில் அமெரிக்காவும் அதன் ஏனைய மேற்கத்தேய நட்பு நாடுகளும் மத்தியஸ்தம் வகித்துள்ளன. ஆனால், அதனால் பலஸ்தீனர்களுக்கு எந்த நன்மையும் கிட்டவில்லை. சில அமெரிக்கத் தலைவர்கள் தாங்கள் அப்போது இஸ்ரேல் சார்பாக நடந்து கொண்டமை மிகப் பெரும் வரலாற்றுத் தவறு என்பதை இப்போது உணர்த்தி வருகின்றனர்.

இஸ்ரேலுக்கும் சேர்பியாவுக்கும் இடையில் கொள்கை அளவிலும் செயற்பாட்டளவிலும் பல்வேறு ஒற்றுமைகள் உள்ளன. சேர்பியாவில் மிலோசொவிக் கையாண்டு வந்தது ஒரு இனவாதக் கொள்கை (Racism). ஆறு நூற்றாண்டுகளுக்கு முன்பாக துருக்கிய உஸ்மானியர்கள் சேர்பியர்களை படுகொலை செய்ததாக அவர் குற்றம் சாட்டி வந்தார். அதற்கு பழிவாங்கும் தருணம் கிடைத்துள்ளதாக பெல்கிரேட்டில் நடைபெற்ற கூட்டத்தில் பகிரங்கமாகவே குறிப்பிட்டிருந்தார்.

சேர்பிய இனவாதம் போல்கனில் முஸ்லிம்களின் இருப்பை முற்றாகவே துடைத்தழிக்கும் அரசியல் பின்புலம் கொண்டது. கிழக்கு ஐரோப்பாவில் முஸ்லிம்கள் இல்லாத ஓர் இனத்தூய்மையை சேர்பிய இனவாதம் முன்னிறுத்தியது. எனவேதான் கொசோவோ, பொஸ்னியா,ஹெசகோவினா ஆகியவற்றுக்கு எதிரான சேர்பியப் படையினரின் தாக்குதல்கள் முஸ்லிம்களை முற்றாகவே துடைத்தழிக்கும் வகையில் நடந்தன. முஸ்லிம் பெண்கள் மீது மேற்கொள்ளப்பட்ட வல்லுறவுச் சம்பவங்கள் திட்டமிட்டே நடத்தப்பட்டன.

இஸ்ரேலை உருவாக்கிய சியோனிஸம், யூத தூய்மைவாதத்திலிருந்து மேலெழுகின்றது. அது யூதர்களே உலகில் மேன்மையான சமூகம் என்பதாகவும், அவர்களது மத, பண்பாட்டு, வரலாற்று ரீதியான எதிரிகள் முஸ்லிம்கள் என்பதாகவும் கட்டமைக்கப்பட்டுள்ளது. யூத இனவாதமே இஸ்ரேலின் அடிப்படை அரசியல் சித்தாந்தம். அமெரிக்கத் தலைவர்கள் மத்திய கிழக்கிலுள்ள ஒரேயொரு ஜனநாயக நாடு இஸ்ரேல் எனப் புகழ்ந்தாலும், இஸ்ரேலில் யதார்த்தத்தில் நிலவுவது ஓர் இராணுவ ஆட்சியே.

4.5 மில்லியன் இஸ்ரேலியர்கள் அனைவருமே குறைந்தது இரு ஆண்டுகளேனும் கட்டாய இராணுவ சேவையில் இருக்க வேண்டும் என வலியுறுத்தப்பட்டுள்ளது. இஸ்ரேலில் சிவில் சமூகம் என அடையாளப்படுத்தக் கூடிய எதுவுமே இல்லை. எல்லோரும் ஏதோ ஒரு வகையில் ஆயுத தாங்கிகளாகவே உள்ளனர். அறேபியர்கள் யூதர்களின் பரம எதிரிகளாகவும் கொன்றொழிக்கப்பட வேண்டியவர்களாகவும் பள்ளிக்கூட பாடப் புத்தகங்களில் வர்ணிக்கப்படுகின்றனர்.

இந்நிலையில் சேர்பிய இனவாதத்தை விட இஸ்ரேலிய யூத இனவாதம் மிகவும் குரூரமானது. இப்படியிருக்கும் தறுவாயில், பலஸ்தீன் பிரச்சினைக்குத் தீர்வு இஸ்ரேலுடன் பேச்சுவார்த்தைகள் நடத்துவதன் மூலமே சாத்தியம் என ஒபாமா கூறுவது அவரது அரசியல் உள்நோக்கத்தையே புலப்படுத்துகின்றது.

எல்லா ஆரம்பங்களுக்கும் நிச்சயம் ஒரு முடிவு உள்ளது. ஒபாமா மட்டுமன்றி இதுவரையான அமெரிக்கத் தலைவர்கள் இஸ்ரேல்-பலஸ்தீன் நெருக்கடியை முடிவில்லாத ஓர் ஆரம்பமாகவே பார்த்து வருகின்றனர். இதற்குக் காரணமுள்ளது. அமெரிக்காவின் ஆளும் வர்க்கமாக மாற எண்ணுகின்றவர்கள் இந்த விதியைத்தான் பின்பற்றியாக வேண்டும் என்ற நியதி உள்ளது. ஆனால், வரலாறு இதற்கு புறம்பான தீர்ப்பைத்தான் வழங்கும் என்பதை அவர்கள் ஏற்க வேண்டிய நாள் தூரத்தில் இல்லை.

Thanks to : meelparvai.net

குறிப்பிட்ட வீடியோ பகுதியை மட்டும் நண்பர்களுடன் பகிர்ந்து கொள்ள

2012-01-27T11:31:00.002+05:30

நண்பர்களுடன் நாம் வீடியோக்களை பகிரும் போது அந்த முழு வீடியோவையும் பகிராமல், அந்த வீடியோவில் உள்ள குறிப்பிட்ட பகுதியை மட்டும் பகிர முடியும்.

குறிப்பிட்ட பகுதியை மட்டும் பகிர வேண்டுமென்றால் அந்த முழு வீடியோவையும் தரவிறக்கம் செய்து பின்னர் சில மென்பொருள் உதவியோடு அந்த பகுதியை மட்டும் கட் செய்து பின்னர் மற்றவர்களுக்கு பகிர வேண்டும்.

இந்த முறையில் நம்முடைய நேரம் வீணாக விரயமாகிறது. நமக்கு கிடைக்கும் குறுகிய நேரத்தில் இப்படி நேரத்தை செலவழிக்க யாரும் விரும்புவதில்லை. ஆகையால் இது பெரும் பிரச்சினையாகவே உள்ளது.

இந்த பிரச்சினைகளை தீர்க்கவே ஒரு அருமையான தளம் நமக்கு உதவி செய்கிறது.

1. முதலில் இந்த லிங்கை snipsnip.it க்ளிக் செய்து இந்த தளத்திற்கு செல்லவும்.

2. கிளிக் செய்தவுடன் தோன்றும் விண்டோவில் நீங்கள் பகிர விரும்பும் வீடியோவின் URL கொடுத்து உங்கள் கீபோர்டின் என்ட்டர் கீயை அழுத்தவும்.

3. உங்களுக்கு வரும் விண்டோவில் நீங்கள் பகிர விரும்பும் வீடியோவின் பகுதியின் START TIME மற்றும் வீடியோவின் END TIME நிமிடம் மற்றும் நேரத்துடன் சரியாக கொடுத்து கீழே உள்ள SNIP IT என்ற பட்டனை அழுத்தவும்.

4. அடுத்து உங்கள் வீடியோ ரெடியாகி விடும். அதில் அந்த வீடியோவிற்கான EMBED URL கொடுக்கப்படும். அதை முழுவதும் கொப்பி செய்து நண்பர்களுடன் பகிர்ந்து கொள்ளலாம். (நீங்கள் உருவாக்கிய வீடியோவின் PREVIEW பார்க்கவும் முடியும்).

சாஃப்ட்வேர் இல்லாமல் உங்கள் ஃபைலை லாக் செய்ய..

2012-01-25T11:22:00.003+05:30

ஒரு கோப்பை மறைத்து வைப்பதற்கு பல மென்பொருட்கள் இணையத்தில் கிடைக்கின்றன. இங்கு எந்த ஒரு மென்பொருளையும் பாவிக்காமல் வெறும் Notepad இனை மாத்திரம் வைத்து ஒரு கோப்பை லாக் செய்ய முடியும்.

உதாரணமாக உங்களிடம் tamil என்ற கோப்பு இருக்குதெனில் அந்த கோப்பை லாக் செய்வதற்கு பின்வரும் வழிமுறையை பின்பற்றவும்.

முதலில் ஒரு Notepad ஐ திறந்து அதில் பின்வருமாறு Type செய்யவும்.

ren tamil tamil.{21EC2020-3AEA-1069-A2DD-08002B30309D}

பின் அந்த Notepad ஐ lock.bat என பெயர் கொடுத்து Save செய்யவும். பின் இன்னொரு Notepad ஐ த் திறந்து அதில் பின்வருமாறு Type செய்யவும்.

ren tamil.{21EC2020-3AEA-1069-A2DD-08002B30309D} tamil

பின் அந்த Notepad ஐ key.bat என பெயர் கொடுத்து Save செய்யவும்.

இங்கு tamil என்பது நீங்கள் லாக் செய்ய வேண்டிய கோப்பின் பெயர் ஆகும். இனி குறிப்பிட்ட அந்த tamil என்ற கோப்பை லாக் செய்வதற்கு lock.bat என்ற கோப்பை Double Click செய்தல் வேண்டும்.

லாக் செய்த கோப்பை மீண்டும் Unlock செய்வதற்கு key.bat என்ற கோப்பை Double Click செய்தல் வேண்டும்.

இதில் கவனிக்க வேண்டிய ஒரு விசயம் நீங்கள் கோப்பை லாக் செய்யும் போது லாக் செய்யும் கோப்பும், lock.bat என்ற கோப்பும் ஒரே இடத்தில் இருக்க வேண்டும். அதே போல Unlock செய்யும் போது Unlock செய்யும் கோப்பும், key.bat என்ற கோப்பும் ஒரே இடத்தில் இருக்க வேண்டும்.

அந்த key.bat என்ற வேறொரு டிரைவில் சேமித்து விடுங்கள். அந்த கோப்பு இல்லாமல் யாரும் ஓபன் செய்ய முடியாது.

ரெகவர் பைல்ஸ்., அழித்த பைல்களை மீட்க ஒரு புரோகிராம்

2012-01-25T11:22:00.000+05:30

நாம் சில வேளைகளில் தேவையான பைல்களை நாம் அறியாமலேயே அழித்துவிட்டு திண்டாடுவோம். அவை ரீசைக்கிள் பின்னில் இருந்தால் பரவாயில்லை. வேண்டுமென்றே ஷிப்ட் அழுத்தி டெலீட் கீயைப் பயன்படுத்தி ரீசைக்கிள் பின்னுக்குச் செல்லாமல் சில பைல்களை துவம்சம் செய்துவிடுவோம். பின் வருத்தப்படுவோம்.

இவ்வாறு அழிக்கப்பட்ட பைல்களைக் கண்டுபிடித்து எடுத்துத்தரவென்றே பல புரோகிராம்கள் உள்ளன. அவற்றில் பல சாதாரணமாகக் கம்ப்யூட்டரைப் பயன்படுத்துபவர்கள் கையாளும் வகையில் இருக்காது. தேவையற்ற கேள்விகளைக் கேட்டுவிட்டு பின் முடியாது எனப் பதிலளிக்கும். இல்லை எனில் அழித்தவர்களே அவற்றை மீண்டும் திரும்பப் பெற முடியாத வகையில் பல செயல்களில்

ஈடுபட்டு பின் கவலைப் பட்டுக் கொண்டு இருப்பார்கள். இதற்கெல்லாம் தீர்வு தரும் வகையில் அனைவரும் கட்டாயம் கொண்டிருக்க வேண்டிய புரோகிராம் ஒன்று இணையத்தில் இலவசமாகக் கிடைக்கிறது. இந்த புரோகிராமின் பெயர் Recover Files .

இது கிடைக்கும் தளத்தின் முகவரி http://www.undeleteunerase.com/download.html.

ரீசைக்கிள் பின்னிலிருந்து நீக்கப்பட்ட பைல்கள், நெட்வொர்க் கட்டமைப்பில் அழிக்கப்பட்ட பைல்கள், கையடக்க பிளாஷ் கார்டிலிருந்து ஒரேயடியாக நீக்கப்பட்ட பைல்கள், டாஸ் இயக்கம் மூலம் டெலீட் செய்த பைல்கள், விண்டோஸ் எக்ஸ்புளோரர் சென்று ஷிப்ட் கீயை அழுத்திக் கொண்டு கட்டாயமாக நீக்கிய பைல்கள் என அத்தனை வகையிலும் அழித்த பைல்களை இந்த புரோகிராம் மூலம் நீக்கிவிடலாம். மிகச் சிறிய ஆனால் வேகமாக இயங்கும் புரோகிராமாக இது வடிவமைக்கப்பட்டுள்ளது.

விண்டோஸ் 95 தொடங்கி விஸ்டா வரையில் இது இணைந்து செயல்படுகிறது. NTFS மற்றும் FAT ஆகிய இருவகை பார்ட்டிஷன்களில் அழித்த பைல்களை இது மீட்டுக் கொடுக்கிறது. இந்த புரோகிராமின் அளவு 1189 கேபி மட்டுமே என்பது இதன கூடுதல் சிறப்பு. எதற்கும் இதனை இறக்கி வைத்துக் கொள்ளுங்கள்.

மடிக்கணணிகளை வாங்கும் போது கவனிக்க வேண்டியவைகள்

2012-01-25T11:20:00.002+05:30

இன்றைய தொழில்நுட்ப உலகில் மடிக்கணணிகளை பயன்படுத்துபவர்கள் ஏராளம். ஏனெனில் எங்கு சென்றாலும் நாம் அதை எடுத்துச் சென்று பயன்படுத்த முடியும்.

நமது வேலைகளும் தடைபடாமல் இருக்கும். கடைகளிலிருந்து மடிக்கணணிகளை வாங்கும் போது கவனிக்க வேண்டியவைகள்:

கடைக்காரரிடம் அவை Unlock செய்யப்பட்டுள்ளதா என்று முதலில் கேளுங்கள். திடமான, உறுதியான ஆனால் பாரமில்லாத மடிக்கணணிகளை தெரிவு செய்யுங்கள். கீபோர்ட்டை உபயோகித்துப் பாருங்கள்.

உங்களுக்கு அது சௌகரியமாக உள்ளதா என்பதை உறுதி செய்து கொள்ளுங்கள். மேசை மற்றும் உங்கள் மடி மீது வைத்து இயக்கி பரிசோதித்துப் பாருங்கள்.

Pointing Device, Track Pad போன்றவற்றையும் மாற்றீடாக உள்ள மவுசைனையும் பரிசோதித்துப் பார்க்க மறக்க வேண்டாம். Track Ball, External mouse களை நீங்கள் பயன்படுத்த முடியும்.

ஆனால் வெளியிடங்களுக்குக் கொண்டு செல்வதற்கு அது உகந்ததல்ல. மடிக்கணணி பயன்பாட்டில் இருக்கும் போது அளவுக்கதிகமாக சூடாகிறதா என்று அவதானியுங்கள்.

ஒருவேளை உங்கள் மடியில் வைத்துப் பாவிப்பதாலும் இந்தப் பிரச்சினை எழக்கூடும். Screenஇன் அளவு மற்றும் Resolution போன்றவை மீதும் கவனத்தை செலுத்துங்கள். தற்போதைய LCD Screen கள் 13 முதல் 21 இஞ்ச் அளவுகளில் கிடைக்கின்றன.

Screen Resolution மிகக் குறைந்தது 800-600 pixels முதல் 1600-1200 pixels வரை இருக்கக்கூடும். பலதரப்பட்ட Settingsகளை செய்து Screenஐப் பார்வையிடுங்கள்.

சாதாரண அறையினுடைய வெளிச்சத்தில் நன்றாகத் தெரியக்கூடிய Settings அதிக வெளிச்சம் அல்லது குறைந்த வெளிச்சத்தில் மிக மோசமாகத் தெரியக்கூடும்.

USB2 மற்றும் Firewire Connection இருக்கக்கூடிய மடிக்கணணிகளைத் தெரிவு செய்யுங்கள். இவை iPods, Digital iPods, Digital கமெராக்கள் மற்றும் சில கைத்தொலைபேசிகளை இணைக்க செய்வதற்கு பயன்படுகின்றன.

இணைய இணைப்புகளைப் பெறுவதற்கு வயர்களைப் பயன்படுத்துவதை விட Wireless Network Card பயன்படுத்தலாம். Bluetooth இணைப்பு இருப்பின் அதுவும் சிறந்தது தான். DVD Burner உள்ளதா என்பதையும் அவதானியுங்கள்.

மிக வேகமான இணைய உலாவி எது?

2012-01-25T11:18:00.002+05:30

Compuware’s எனும் நிறுவனம் இணைய உலாவிகள் தொடர்பில் சில தரவுகளை வெளியிட்டுள்ளது.

1.86 பில்லியன் தனிப்பட்ட டெஸ்க்டாப் கணினி பாவனையாளர்களிடம் ஒரு மாத காலமாக சுமார் 200 க்கும் மேற்பட்ட வலைத்தளங்களில் மேற்கொள்ளப்பட்ட ஆய்வுகளில் கூகிள் குரோம் உலாவியே மிக வேகமான உலாவியாக தேர்வாகியுள்ளது.

இந்த கணிப்புக்கள் தனிப்பட்ட லேப் கணினிகளில் டெஸ்ட் செய்யப்பட்டவையில்லை எனவும் உண்மையான கணினி மற்றும் இணைய பாவனையாளர்களிடமிருந்து பெறப்பட்ட தரவுகளாகும்.

மேலும் இவை குறிப்பிட்ட உலாவியின் தொடக்க வேகத்தை கொண்டு கணிப்பிடப்பட்டிருக்கின்றது.

நோ மொ ஃபோபியா(No-mo-phobia)

2012-01-25T11:17:00.000+05:30

நோ மொ ஃபோபியா என்றால் நோ மொபைல் ஃபோபியா என பொருள். மொபைல் ஃபோனை உடன் எடுத்துச் செல்ல மறத்தல், மொபைல் ஃபோனின் பேட்டரி ரிப்பயர் ஆகுதல், சார்ஜ் தீர்ந்து போதல் ஆகிய வேளைகளில் ஏற்படும் கவலைதான் நோ மொ ஃபோபியா ஆகும். இக்கவலை வளர்ந்து வளர்ந்து மனோ நோயாக மாறிவிடுமாம்.

சாதாரணமாக இதற்கெல்லாம் யாரும் சிகிட்சையோ, கவுன்சிலிங்கோ பெறுவதில்லை.

என்ன டெக்னாலஜி என்றாலும் அதில் நன்மையும், தீமையும் உண்டு. மனிதர்களின் குணநலனின் அடிப்படையில்தான் அதிகமாக பாதகம் ஏற்பட வாய்ப்புள்ளது. இளம் பெண்களை காதல் வலையில் சிக்கவைப்பதில் பெற்றோரால் வாங்கி கொடுக்கப்படும் மொபைல் ஃபோன்களும் அதிக பங்கை வகிக்கிறது.

குழந்தைகள் 15 வயதாகும்வரை அவர்களுக்கு மொபைல் ஃபோன்களை வாங்கிக் கொடுக்காதீர்கள் என லண்டனில் இண்டிபெண்டண்ட் ஸ்கூல்ஸ் கவுன்சில் சேர்மன் பர்னபி லினன் பெற்றோர்களுக்கு ஆலோசனை வழங்கியுள்ளார். கம்ப்யூட்டர் உபயோகத்தை ஒன்று அல்லது இரண்டு மணிநேரமாக கட்டுப்படுத்த வேண்டும் எனவும் லினன் கூறுகிறார். கட்டுப்பாடில்லாத கம்ப்யூட்டர் பயன்பாடு குழந்தைகளின் வாசித்தல் மீதும், உரையாடல் மீதும் வெறுப்பை உருவாக்குகிறது. இதனால் அவர்களின் ஆளுமைத் தன்மை(personality) பாதிப்படைகிறது.

தொலைக்காட்சியை பார்ப்பதிலும் கட்டுப்பாட்டை ஏற்படுத்துதல் அவசியம். இதுவெல்லாம் ஐரோப்பாவிற்கு மட்டுமல்ல இந்தியாவுக்கும் பொருந்தும். ஏனெனில் உலகில் மொபைல் ஃபோன் பயனீட்டாளர்களில் ஐந்தில் ஒருவர் இந்தியர் ஆவார். மூன்று வருடத்திற்குள் மொபைல் டிஜிட்டல் சமூகத்தில் இந்தியா முதலிடத்தை பிடிக்கும் என கருதப்படுகிறது.

ஆகையால் குழந்தைகள் டெக்னாலஜியின் அடிமைகளாக மாறிவிடாமல் பாதுகாக்க வேண்டியது பெற்றோர்களின் கடமையாகும்.

முஸ்லிம்கள் என்றால் ஏமாளிகளா?

2012-01-25T11:15:00.000+05:30

மத்தளத்திற்கு இரு பக்கமும் அடி என்றால் இந்தியாவில் வாழும் மிகப்பெரும் சிறுபான்மை சமூகமான முஸ்லிம்களுக்கு எல்லா பக்கமும் அடிதான் விழுந்துக் கொண்டிருக்கிறது.

பாசிச பயங்கரவாதம், அரசு பயங்கரவாதம், ஊடக பயங்கரவாதம் என பல தரப்பட்ட தாக்குதல்களை சந்திக்கும் துயரமான நிலைக்கு முஸ்லிம் சமூகம் தள்ளப்பட்டுள்ளது.

கேரளாவை உலுக்கிய லவ் ஜிஹாத் அவதூறுப் பிரச்சாரம் ஊடகங்களால் தீவிரமாக முன்னெடுத்துச் செல்லப்பட்டது. முஸ்லிம்களின் சகிப்புத் தன்மையை குறித்து கேள்வி எழுப்பிய இச்சம்பவம் ஹிந்துத்துவா தீவிரவாதிகளின் கைங்கர்யம் தான் என்பது அண்மையில் வெட்டவெளிச்சமானது.

ஊடகங்களும், நீதிமன்றமும் லவ் ஜிஹாதின் பெயரால் சிறுபான்மை முஸ்லிம் சமூகத்தின் மீது பாய்ந்து கடித்து குதறின. சேனல்களில் விவாதங்கள் சூடு பறந்தன. சாதாரணமாக முஸ்லிம்களுக்கு ஆதரவான கருத்தை வெளியிடுபவர்களை கூட சந்தேகத்தின் நிழலில் இச்சம்பவம் கொண்டுவந்து நிறுத்தியது. லவ் ஜிஹாத் பிரச்சாரத்தால் பாதிக்கப்பட்ட சிராஜுத்தீன் தனது தந்தையை இழந்தார், அரசு வேலையை இழந்தார். பாசிஸ்டுகளால் இந்தியாவில் பாதிப்பிற்குள்ளாகும் கிறிஸ்தவர்கள் கூட இந்த அவதூறு பிரச்சாரத்திற்கு துணைபோயினர். ஆனால், உண்மையான திருடன் வீட்டிற்குள்ளே தான் இருக்கிறான் என்பது நிரூபணமான வேளையில் எதுவும் சம்பவிக்கவில்லை. கிட்டத்தட்ட இச்செய்தி பல ஊடகங்களில் மூடி மறைக்கப்பட்டது.

ஹிந்துத்துவா தீவிரவாத இயக்கங்கள் லவ் ஜிஹாத் போன்ற சூழ்ச்சிகளையும் சதிவேலைகளையும் புரிவதில் கைத்தேர்ந்தவர்கள் என்பதற்கு ஏராளமான உதாரணங்களை கூற முடியும்.

2006-இல் மலேகான், 2007-ஜனவரியில் அஜ்மீர் தர்கா, 2007-பிப்ரவரியில் சம்ஜோதா எக்ஸ்பிரஸ், 2007-மே மாதம் மக்கா மஸ்ஜித், 2008-இல் மீண்டும் மலேகான் என குண்டுவெடிப்புகளை நிகழ்த்தி முஸ்லிம்களை கொலைச் செய்தார்கள் பாசிஸ்டுகள். ஆனால், இத்தாக்குதல்களில் பலியானது முஸ்லிம்கள்தாம், குற்றவாளிகளாக கைது செய்யப்பட்டதும் முஸ்லிம்கள்தாம். தற்பொழுது உண்மை வெளியான பிறகும் பல போராட்டங்களுக்கு மத்தியில்தான் இவ்வழக்குகளில் கைது செய்யப்பட்ட முஸ்லிம் இளைஞர்கள் சிலர் விடுதலையாயினர்.

அண்மையில் கர்நாடகா மாவட்டம் பிஜாப்பூரில் நடந்த சம்பவம் ஹிந்துத்துவாவின் சூழ்ச்சிக்கு போதுமான சான்றாகும். தாசில்தார் அலுவலகத்தில் பாகிஸ்தான் கொடியை ஏற்றிய ஹிந்துத்துவா கயவர்கள் முஸ்லிம்களின் மீது பழியை சுமத்தி கலவரத்தை தூண்ட சூழ்ச்சி மேற்கொண்டதை காவல்துறை கண்டுபிடித்தது. ஆனால், அதற்கு முன்பு இச்சம்பவத்தின் பெயரால் நடத்தப்பட்ட முழு அடைப்பில் முஸ்லிம்களின் வியாபார ஸ்தாபனங்களும் வாகனங்களும் வழிப்பாட்டுத் தலமும் தாக்கப்பட்டன. ஆனால், இச்சம்பவத்தில் குற்றம் சாட்டப்பட்ட ஸ்ரீராமசேனா ஹிந்துத்துவா தீவிரவாத அமைப்பின் தலைவர் பிரமோத் முத்தலிக், இச்சம்பவத்தை நிகழ்த்தியது ஆர்.எஸ்.எஸ்தான் என குற்றம் சாட்டினார்.

போலீஸ் வட்டாரங்கள் அளிக்கும் தகவலின் அடிப்படையில் பாகிஸ்தான் கொடி அரசு அலுவலகத்தில் ஏற்றுவதற்கு பா.ஜ.கவைச் சார்ந்த ஒரு மக்கள் பிரதிநிதி உறு துணையாக இருந்துள்ளார். ஆனால் ஒன்று மட்டும் உறுதி; பா.ஜ.க ஆனாலும், ஆர்.எஸ்.எஸ் ஆனாலும், ஸ்ரீராமசேனா ஆனாலும் முஸ்லிம் சமூகத்திற்கு எதிராக சதித்திட்டத்தை தீட்டி அவர்களை அழித்தொழிப்பதுதான் அனைத்து ஹிந்துத்துவா தீவிரவாத அமைப்புகளின் திட்டமாகும்.

சில ஆண்டுகளுக்கு முன்னால் கர்நாடகா மாநிலம் மைசூரில் உள்ள முஸ்லிம் பள்ளிவாசலில் பன்றியின் இறைச்சியை வீசி முஸ்லிம்-ஹிந்து சமூகங்களிடையே கலவரத்தை தூண்டினார்கள் ஹிந்துத்துவா பாசிஸ்டுகள்.

ஹிந்துத்துவா தீவிரவாத அமைப்புகளின் பலத்தை நிரூபிக்கும் போட்டிகளுக்கு முஸ்லிம்களே பலிகடாவாக ஆக்கப்படும் வேளையில் முஸ்லிம் இளைஞர்களை போலி என்கவுண்டரில் சுட்டுக் கொல்வது வழக்கமான செய்தியாகிவிட்டது. போலி குற்றச்சாட்டுகளின் அடிப்படையில் முஸ்லிம் இளைஞர்கள் போலீசாரால் கைது செய்யப்பட்டு நீண்டகாலம் சிறையில் வாழ்க்கையை தொலைக்கின்றனர்.

பொய் வழக்குப் போட்டு சிறையில் அடைத்து நீண்டகாலத்திற்கு பிறகு விடுதலைச் செய்யப்பட்டு மீண்டும் பொய்வழக்கில் சிறையில் அடைக்கப்பட்ட உடல்நிலை சீர்கெட்ட ஊனமுற்றவரான அப்துல் நாஸர் மஃதனி நீதிமறுப்பின்
இந்திய மாதிரி ஆவார்.

இத்தோடு பாட்லா ஹவுஸில் கொல்லப்பட்ட அப்பாவி இளைஞர்களின் படுகொலையை நியாயப்படுத்தும் மத்திய உள்துறை அமைச்சர் ப.சிதம்பரத்தின் அறிக்கையையும் சேர்த்து வாசிக்கவேண்டும்.

பொது சமூகத்தில் முஸ்லிம் வெறுப்பு அணையாத நெருப்பு ஜுவாலையாக எரிந்துக் கொண்டிருக்கும் வேளையில் ப.சிதம்பரம் தனது தவறை திருத்த வேண்டியதில்லை. ஏனெனில் எல்லோரும் தம் வசதிக்கேற்ப குட்ட குட்ட குனியும் சமுதாயமாக முஸ்லிம்கள் மாறிவிட்டார்கள் அல்லவா?.

முஸ்லிம்களுக்கு எதிரான சதித்திட்டங்கள் ஒவ்வொன்றாக வெளிவரும் வேளையில் அவர்கள் மீது பாய்வதையே குறிக்கோளாக கொண்டுள்ள அறிவுஜீவிகளும், தேசப் பற்றாளர்களும் எங்கே சென்றார்கள்?

அ.செய்யது அலீ.

சிரியா: புரட்சி நீடிப்பதேன்?

2012-01-25T11:07:00.000+05:30

முஷாஹித் அஹ்மத்

லிபியாவிலும் தூனிஸியாவிலும் எகிப்திலும் அறபு வசந்தம் வெற்றி பெற்றுள்ள நிலையில் சிரிய மக்கள் அந்த வெற்றிக்காகக் காத்திருக்கின்றனர்.

கடந்த 10 மாதங்களாக சிரியாவில் பொதுமக்கள் மீதான அரசாங்கத்தின் வன்கொடுமைகள் கட்டவிழ்க்கப்படும் நிலையிலும், மக்கள் தமது நிலைப்பாட்டிலிருந்து தளரவில்லை. அரச பயங்கரவாதத்தினால் அச்சத்தில் உறைந்துபோயிருக்கும் மக்களிடையே இன்னும் வெற்றிக்கான ஏக்கமும் பெருமூச்சும் நின்றுவிடவில்லை.

சிரியாவில் வன்முறைகளை நிறுத்தி படுகொலைகளை முடிவுக்குக் கொண்டுவரும் நோக்கில் அறப் லீக் மேற்கொண்ட கண்காணிப்பாளர் நடவடிக்கை முழுத் தோல்வியில் முடிவடைந்துள்ளது. அறப் லீக் அதிகாரிகள் பொதுமக்கள் மீதான படுகொலைகளை நிறுத்துவதற்குப் பதிலாக இறந்துகொண்டிருக்கின்றவர்களின் எண்ணிக்கையை கணக்கெடுத்துக் கொண்டிருப்பதாக சிரிய எதிர்க்கட்சிகளின் ஒன்றியமான சிரிய தேசிய சபை (Syrian National Council) வன்மையாகக் கண்டித்துள்ளது.

அஸதின் அரசாங்கத்தை நோக்கி அறப் லீக் முன்வைத்த எந்தக் கோரிக்கையும் கணக்கில் எடுக்கப்படவில்லை. பிரதான நகரங்களிலிருந்து இராணுவத் தளபாடங்களைப் பின்வாங்குதல்,தடுப்புக்காவலில் வைக்கப்பட்டோரை விடுதலை செய்தல், ஊடகவியலாளர்கள் மீதான நெருக்குவாரங்களை நீக்குதல், துப்பாக்கிப் பிரயோகங்களை நிறுத்தல் ஆகிய எந்தவொரு கோரிக்கையும் கவனத்திற் கொள்ளப்படவில்லை.

இந்நிலையில் அறப் லீக்கின் கண்காணிப்புக் குழு வெறும் கண்துடைப்பு என தேசிய சபை விமர்சித்துள்ளது. தனது சொந்த மக்களை கொடூரமாகக் கொலை செய்யும்போது, பல்லாயிரக் கணக்கான உயிர்களை இயந்திரத் துப்பாக்கிகளால் பலிகொள்ளும்போது எந்தவொரு மனச்சாட்சியுள்ள மனிதனும் அலட்சியமாக இருக்க முடியாது; இருக்கவும் கூடாது.

அறப் லீக்கின் அங்கத்துவ நாடுகள் மற்றும் ஏனைய மேற்கத்திய நாடுகள் அனைத்தும் சிரிய விவகாரத்தில் காத்துவரும் மௌனம் மிகவும் ஆபத்தானது. சிரியாவின் இன்றைய கொதி நிலையில் மீண்டும் ஒருமுறை தொலைக்காட்சியில் தோன்றி, அஸத் ஆற்றியுள்ள உரை மக்களின் கோபத்தை கிளறியிருக்கின்றது. இரண்டு மணிநேர உரை அஸதின் முதிர்ச்சியற்ற அரசியலையும் வெகுளித்தனத்தையும் வெளிக்காட்டுகின்றது.

ஆளும் அலவிய்யா வர்க்கத்தின் உள்மனவோட்டத்தை ஒப்பு விக்கின்ற அஸதின் உரை பல்வேறு கோணங்களிலிருந்து பார்க்கப்படக் கூடியது. "நாட்டில் சீர்திருத்தம் கொண்டு வருவோம். ஆனால், பயங்கரவாதத்தை சட்ட பூர்வமான வழிமுறைகள் மூலம் அடக்குவோம்" என அஸத் குறிப்பிட்டிருப்பது மிகுந்த வேடிக்கையானது.

சீர்திருத்தம் கொண்டு வருவோம் என்று கடந்த 60 ஆண்டுகளாக கதை அளக்கும் பாத் கட்சியினர், நடைமுறையில் அதற்கான அறிகுறி எதனையும் வெளிக்காட்டியதில்லை. சிரியாவில் அரசியல் சீர்திருத்தம் என்பது அரசாங்க வர்த்தமானி அறிவித்தல் போன்று இலகுவில் செய்ய முடியுமான ஒன்றல்ல. சிரியாவில் தேவையானது கட்டமைப்பு மாற்றம். அடிப்படைகளையே பெயர்த்து, ஒரு புதிய அரசியலமைப்பின் கீழ் நாட்டைக் கொண்டு வருவதே மக்களின் எதிர்பார்ப்பு.

பாத் கட்சியே எப்போதும் ஆட்சிக்குத் தகுதியானது எனவும், 50 வீத ஆசனங்கள் ஏற்கனவே ஆளும் பாத் கட்சிக்கு ஒதுக்கப்பட்டு விட்டது எனவும் குறிப்பிடும் ஓர் அரசியலமைப்பின் கீழ் ஆறு தசாப்தங்கள் அதிகாரத்தில் நீடித்திருக்கும் ஷீஆ, அலவிய்யா வர்க்கம் சிரியாவில் அரசியல் சீர்திருத்தம் குறித்துப் பேசுவது மிகுந்த எதிரிடையானது. அதுவும் மொத்த மக்கள் தொகையில் ஐந்து வீதத்தையும் தாண்டாத ஷீஆக்கள்; ஸுன்னிகளைப் பெரும்பான்மையாகக் கொண்ட ஒரு நாட்டில் என்ன சீர்திருத்தம் கொண்டுவரப் போகின்றனர்? இதற்கு முன்பும் இதுபோன்ற வாய்வீச்சுகள் இவர்களிடமிருந்து வெளிவந்திருக்கின்றன. அவை காலப்போக்கில் காற்றோடு காற்றாய் கரைந்து போயிருக்கிறன.

அலவிய்யா வர்க்கத்தின் மிகுந்த கபடத்தனத்தை அஸத் மீண்டும் ஒருமுறை வெளிப்படுத்தியுள்ளார். ஆனால், இன்னொரு முறை இதை நம்பி ஏமாறும் நிலையில் சிரிய மக்கள் இல்லை.

சிரியாவின் தற்போதைய நிலைகளை நுணுக்கமாக நோக்கும்போது லிபியாவின் கடாபியை விட படுமோசமான சர்வாதிகாரியாக அஸத் தன்னை வெளிப்படுத்தியுள்ளதை விளங்கிக் கொள்ளலாம். 10 மாதங்களைக் கடந்தும் பெரியளவிலான மாற்றங்கள் அரச தரப்பில் ஏற்படாமைக்கும் சிரிய வசந்தம் தனது இலக்கை அடைவதில் தாமதம் ஏற்பட்டுள்ளமைக்கும் காரணங்கள் உள்ளன.

கொமைனியின் அநீதிக்கு எதிரான கோஷங்களையும் நீதிக் கதைகளையும் பேசிக் கொண்டிருக்கும் தெஹ்ரானிலுள்ள ஷீஆ மதப் போதகர்களும் நஜாதியும் டமஸ்கஸுடன் கொண்டுள்ள ரகசிய ஒப்பந்தங்களும் இராணுவ ஆதரவும், சிரியாவில் அலவி ஷீஆக்களின் அதிகாரத்தை நீடிப்பதற்கு உதவி வருகின்றன. இன்னொரு புறம் லெபனானில் நிலைகொண்டுள்ள ஈரானின் இராணுவப் பலப்பரீட்சைக் கருவியான ஹிஸ்புல்லாஹ், அஸதுக்கு இராணுவ ரீதியில் ஆதரவு வழங்கி வருகின்றது. இவ்விரு சக்திகளினதும் ஆதரவுதான் அஸதின் திமிருக்குக் காரணமாக உள்ளது.

தெஹ்ரானில் நஜாதியின் அரசாங்கம் நடத்திய எழுச்சி மாநாட்டில், பஹ்ரைனில் அரச பயங்கர வாதத்தினால் மக்கள் பாதிக்கப்படுவதாகக் குரலெழுப்பப்பட்டது. ஆனால், அஸதின் அரசாங்கம் சிரியாவில் பொதுமக்கள் மீது நடத்திவரும் கீழ்த்தரமானவன் முறைகள், படுகொலைகள் குறித்து தெஹ்ரான் நன்கு அறிந்து வைத்துள்ள நிலையிலும் டமஸ்கஸை ஆதரித்து வருவது ஈரானின் தார்மீக நிலைப்பாடு குறித்த ஐயத்தை எழுப்புகிறது.

அஸதின் இரண்டு மணித்தியால உரையில், அவர் அறப் லீக்கை சாடியுள்ளார். "அறப் லீக்கில் இடம்பெறும் நாடுகளின் அரசாங்கங்கள் மன்னராட்சியை பிரதிபலிக்கும் நிலையில், சிரியாவுக்கு அவர்கள் ஜனநாயகத்தைப் போதிப்பதற்கு முயல்கிறார்கள். புகைப் பழக்கமுள்ள வைத்தியர்,நோயாளிக்கு புகைப்பழக்கத்தைக் கைவிடுமாறு கோருவது போன்றதே இது" என்கிறார் அஸத்.

அதன் மூலம் சிரியாவிலும் ஜனநாயகம் இல்லை என்பதை ஏற்றுக்கொண்டுள்ளார். சிரியாவில் இன்று முன்னுரிமைக்குரிய விவகாரம் அதன் பாதுகாப்பே எனக் கூறியுள்ள அஸத், பொது மக்களைக் கொல்வதற்கு இராணுவத்திற்குத் தாம் கட்டளையிடவில்லை எனவும் தெரிவிக்கின்றார். சிரியாவின் பாதுகாப்பு என்று அவர் குறிப்பிடுவது மக்களின் எதிர்ப்பு ஆர்ப்பாட்டம் அற்ற நிலையைத்தான் என்பதை மிகச் சாதாரணமான ஒருவராலும் விளங்கிக் கொள்ளலாம்.

மீண்டும் மீண்டும் அஸத், அவரது அதிகார பீடத்தை அசைக்கின்ற எல்லா சக்திகளையும் பயங்கரவாதிகளாகவும் வெளிச்சக்திகளாகவும் காட்ட முயல்வது ஆளும் அலவி வர்க்கத்தின் மோசமான உள்நோக்கத்தையே புலப்படுத்துகின்றது.

இந்நிலையில் வாயளவில் அவர் பேசிவரும் அரசியல் சீர்திருத்தம் குறித்து நம்பிக்கை கொள்வதற்கு சிரிய மக்கள் தயாரில்லை என்பதையே களநிலவரம் உறுதி செய்கின்றது. அஸதின் அரசாங்கத்துடனான அனைத்துப் பேச்சுவார்த்தைகளும் தோல்வி கண்டுள்ள நிலையில்,குறைந்தபட்சம் பொதுமக்கள் மீதான கொடூரங்களை நிறுத்தாத நிலையில் அஸதுக்கெதிரான மக்கள் போராட்டம் ஓயப் போவதில்லை.

அந்நாட்டின் அனைத்து எதிர்க் கட்சிகளும் உருவாக்கியுள்ள சிரிய தேசிய சபை, அறப் லீக்கின் முயற்சிகள் தோல்வியடைந்துவிட்டன. சிரியாவின் உள்விவகாரத்தை ஐ.நா. பாதுகாப்புச் சபை நேரடியாகக் கையாள்வதற்கான நிலை உருவாகிவிட்டது என்று தெரிவித்துள்ளது.

இதேவேளை, சிரிய நகரங்களில் அரசாங்கத்திற்கு எதிராகத் திரளும் மக்களின் எண்ணிக்கை அலைபோல் அதிகரித்து வருகின்றது. லெபனான் ஹிஸ்புல்லாஹ்வையும் தெஹ்ரான் அரசாங்கத்தையும் நம்பியிருக்கும் அஸத் வெகுவிரைவில் தூக்கி வீசப்படுவதற்கான எல்லா அறிகுறிகளும் தெளிவாகத் தென்படுகின்றன.

லிபியாவின் முன்னாள் இரும்புச் சர்வாதிகாரி கடாபியே அறபு முஸ்லிம் உலகின் அசைக்க முடியாத தலைவர் என்று கருதப்பட்டவர். அவர், லிபியர்களுக்கு எதிராக இயந்திரத் துப்பாக்கிகளைத் தூக்கியபோது லிபியப் புரட்சி தோற்றுவிடும் என்றே இஸ்லாமிய உலகம் எண்ணியது. ஆனால், கடாபியின் கதையே முடிந்து விட்டது. அஸதும் இந்த ஆபத்தான முடிவை எதிர்கொள்ளும் நாள் நெருங்கி விட்டதை அவரது உரையும் வாய்ச்சவாடல்களும் உணர்த்தி நிற்கின்றன.

வரலாறு எப்போதும் அதிகாரத்திற்கு ஆதரவாக நகர்வதில்லை. இந்த உண்மை சிரியாவிலும் நிச்சயம் பலிக்கும்.

thanks to : meelparvai.net